Այսօր բնապահպանի օրն է
Այսօր բնապահպանի օրն է: Այս առիթով միջոցառում էր կազմակերպվել Հայաստանի բնության պետական թանգարանում, որը կրում էր «Բնության գույները» խորագիրը:
Հունիսի 5-ը 1972 թվականին ՄԱԿ-ի կողմից հռչակվել է որպես Շրջակա միջավայրի պահպանության համաշխարհային օր, 2004 թվականից այն Հայաստանում նշվում է որպես բնապահպանի օր:
Միջոցառման ընթացքում ցուցադրվում էին Ժող. վարպետ, նկարչուհի Անահիտ Խաչատրյանի բնապահպանական լուսանկարները և Հայկական մանրանկարչության կենտրոն հիմնադրամի աշխատանքները:
Ելույթով հանդես եկան Սոլո վոկալ ստուդիայի սաները:
Բնապահպանն առաջին հերթին ոչ թե մասնագիտություն է, այլ կոչում․ պետք է սիրես բնությունը, որպեսզի պաշտպան կանգնես, պայքարես խնդիրների լուծման համար:
Թանգարանի կարևորագույն նպատակներից մեկն էլ հանդիսանում է աշխարհին ներկայացնել Հայաստանի չքնաղ բնության յուրօրինակությունը: