Բնապահպանի օրը Հայաստանի բնության պետական թանգարանում
Հունիսի 5-ը 1972 թվականին ՄԱԿ-ի կողմից հռչակվել է Շրջակա միջավայրի պահպանության համաշխարհային օր, իսկ 2004 թվականից Հայաստանում այն նշվում է որպես բնապահպանի օր, որի խորհուրդը առավել մեծ նշանակություն ունի Հայաստանի բնակչության համար, քանի որ երկիրը հարուստ է կենսաբազմազանությամբ և այն պահպանելու խնդրի առջև է կանգնած:
Այս առիթով Հայաստանի բնության պետական թանգարանը կազմակերպել է Ժող. վարպետ, նկարչուհի Անահիտ Խաչատրյանի բնապահպանական լուսանկարների ցուցահանդես «Բնության գույները» խորագրով և Հայկական մանրանկարչության կենտրոն հիմնադրամի աշխատանքների ցուցադրում «Անկախության բնական գույները» խորագրով:
Միջոցառումը կեզրափակեն Սոլո վոկալ ստուդիայի սաներն իրենց ելույթով:
Բնապահպանի օրը պետք է փոխի յուրաքանչյուրիս վերաբերմունքը հայրենի բնության նկատմամբ: Բնությունն անմնացորդ նվիրումով ծառայում է մարդկությանը և պարտավորեցնում նույն նվիրումով այն անաղարտ հանձնել եկող սերունդներին:
05.06.2018
Ժամը 14:00
- «Բնության գույները» Ժող. վարպետ, նկարչուհի Անահիտ
Խաչատրյանի լուսանկարների ցուցադրում - Հայկական մանրանկարչության կենտրոն հիմնադրամի աշխատանքների ցուցադրում «Անկախության բնական գույները» խորագրով, նվիրված Հայաստանի առաջին հանրապետության 100-ամյակին, տնօրեն՝ Արմեն Օհանյան
- Սոլո վոկալ ստուդիայի սաների ելույթ, գեղ. ղեկավար Տաթև Քոլոզյան