Այսօր  Հայաստանի բնության պետական թանգարանում տեղի  ունեցավ  միջոցառում  նվիրված կենդանիների պաշտպանության միջազգային օրվան: Ինչպես հայտնի է հոկտեմբերի 4-ը ամբողջ աշխարհում նշվում է որպես կենդանիների պաշտպանության միջազգային օր: Ուստի շրջապատող  միջավայրի պահպնությունն ու բարելավումը հանդիսանում է օրհասական խնդիր: Այդ իսկ պատճառով ամեն կերպ անհրաժեշտ է նպաստել, որ երեխաների մոտ զարգանա սեր և հոգատարություն դեպի բնությունը:

Հենց այս նպատակն իր առջև ունենալով՝ Հայաստանի բնության պետական թանգարանը կազմակերպեց կինոդիտում բնապահպանական թեմայով:

Միջոցառմանը մասնակցում էին թիվ 116 դպրոցի սաները: Ֆիլմի դիտումից անմիջապես հետո տեղի ունեցավ  քննարկում  ֆիլմի վերաբերյալ:

Ճեմասրահում ներկայացված է կենդանիների յուղաներկ նկարներ, որոնց հեղինակը Անուշ Ասատրյան է, ով սովորում է Հայկական պետական մանկավարժական համալսարանում կենսաբանության ֆակուլտետում: Չունի նկարչական կրթություն, սակայն սիրում է բնությունն  իր բոլոր գույներով: