Ս/թ մարտի 30-ին Հայաստանի բնության պետական թանգարանում անցկացվեց միջոցառում «Սեր հայրենի բնության հանդեպ» խորագրով` նվիրված թռչունների միջազգային օրվան:
Տոնի նպատակը թռչունների բազմազանության ու թվաքանակի պահպանումն է:
Եթե մի պահ պատկերացնենք բնությունն առանց թռչունների՝ կստացվի գորշ և միապաղաղ: Չէ որ նրանք են ապահովում բնության ձայնային և գունային ներդաշնակությունը:
Միջոցառմանն իրենց ակտիվ մասնակցությունը ցուցաբերեցին Արարատի մարզի թիվ 3 հիմնական դպրոցի սաները՝ դասղեկ Մարգարիտա Հովհաննիսյանի ղեկավարությամբ, վերջինիս պատվոգիր հանձնեց թանգարանի փոխտնօրեն տիկին Ռուզաննա Զոբաբուրյանը:
Միջոցառմանն ակտիվ մասնակցություն ունեցան նաև Հայաստանի թռչունների պահպանման միության հասարակական կազմակերպության նախագահ Մամիկոն Ղասաբյանը և կրթական ծրագրերի համակարգող Մարիաննա Դանիելյանը:
Եվ վերջում չմոռանանք, որ թռչունները համարվում են արվեստի, բարության և միասնության խորհրդանիշ: