Ս/թ հուլիսի 28-ին Հայաստանի բնության պետական թանգարանի նախաձեռնությամբ տեղի ունեցավ ուսուցողական կինոդիտում, որի մասնակիցներն էին «Փոքրիկ գիտակներ» նախակրթարանի սաները: Թանգարանի գործունեության հիմնական նպատակը էքսկուրսիաների, նմանատիպ կինոդիտում-քննարկումների միջոցով երեխաների մեջ դեպի բնությունը սեր սերմանելն է: ԵՎ պատահական չէ, որ միջոցառման մասնակիցները նախադպրոցական տարիքի երեխաներն էին, քանի որ իրենք են բնության պահպանության շարունակողները և իրենց առաջին քայլերը բնության ճանաչողության և պահպանության գործում սկսում են հենց թանգարանից:
Երեխաները թանգարանից հեռացան իրենց հետ տանելով Հայաստանի բնաշխարհի մասին բազում գիտելիքներ:
