Ս/թ դեկտեմբերի 23-ին Հայաստանի բնության պետական թանգարանում տեղի ունեցավ «Գեղատեսիլ ծառուղի» խորագիրը կրող ցուցահանդեսի բացումը: Ցուցահանդեսը ներկայացրել էին Հ.Իգիթյանի անվան գեղագիտության ազգային կենտրոնի սաները : «Գեղատեսիլ ծառուղի» ցուցահանդեսի շրջանակներում նրանք ներկայացրել էին բազմազան աշխատանքներ, որոնք յուրաքանչյուրիս գրավում են իրենց պայծառությամբ և երեխաներին բնորոշ անկեղծությամբ:
Ներկայացված էր նաև պլաստիլինից պատրաստված աշխատանքներ, որոնց հեղինակն է 5 տարեկան Մարիա Փիրումովան:
Միջոցառաման ավարտին ելույթով հանդես եկան ՀՀ Գեղագիտության ազգային կենտրոնի տնօրեն Լևոն Իգիթյանը և մանկավարժ Գոհար Միրզոյանը:
Նրբաճաշակ և գունազարդ ցուցահանդես ներկայացնելու համար Հ. Իգիթյանի անվան գեղագիտության ազգային կենտրոնի «Կերպարվեստ և դեկորատիվ արվեստ» ստուդիային Հայաստանի բնության պետական թանգարանի կողմից շնորհվեց շնորհակալագիր: Այն հանձնեց թանգարանի տնօրեն տիկին Գայանե Ղազարյանը:
