Ս/թ. մայիսի 20-ին մեկնարկեց <<Թանգարանների գիշեր>> համաեվրոպական միջոցառումների ծրագիրը, որն արդեն 13 տարի հայկական մշակութային կյանքի կարևոր մասնիկն է դարձել: Տարեցտարի մեծանում է այս միջոցառումներին միացող թանգարանների թիվը՝ այսօր կազմելով Հայաստանի և Արցախի 113 թանգարանների միասնություն:
Հայաստանի բնության պետական թանգարանը, ինչպես նախորդ տարիներին, այս տարի ևս միացել է «Թանգարանային գիշեր» համաեվրոպական միջոցառումների ծրագրին: Ներկայացվեց նկարիչ-դիզայներ Ա. Հակոբյանի կտավների ցուցահանդեսը, ինչպես նաև ցուցադրվեցին նրա մոդելավորած զգեստները:
Հայաստանի բնության պետական թանգարանի կողմից Ա. Հակոբյանը պարգևատրվեց շնորհակալագրով, որը հանձնեց թանգարանի տնօրեն տիկին Գ. Ղազարյանը:
Ելույթ ունեցան Շենգավիթի պատանեկության ստեղծագործական կենտրոնի սաները:
Ասմունքով հանդես եկավ երիտասարդ գրողների միության անդամ Ջ. Բալյանը:
Օրը սկսվեց բազմաքանակ այցելուների ակտիվ հոսքով և այդպես էլ շարունակվեց մինչև կեսգիշեր:
