Ս.թ. հոկտեմբերի 28-ին Հայաստանի բնության պետական թանգարանում տեղի ունեցավ կերպարվեստ-պլաստիլինից աշխատանքներ միջոցառման շրջանակներում «Իմ մուսան բնությունն է» խորագիրը կրող ցուցահանդեսի բացումը: 
Ցուցահանդեսի հեղինակը ութամյա Մանվել Շալջյանն էր (Մալաթիայի բարեգործական հայորդաց տուն), ով ներկայացրեց պլաստիլինից և կավից պատրաստված իր աշխատանքները:
Ելույթով հանդես եկավ հեղինակի ուսուցիչ քանդակագործ Սմբատ Մկրտչյանը:
Մանվել Շալջյանն արժանացավ շնորհակալագրի Հայաստանի բնության պետական թանգարանի կողմից, որը հանձնեց թանգարանի տնօրեն տիկին Գայանե Ղազարյանը:
